الحب والحنان
عضو ماسى
بطاقة الشخصية
 شباب كول:
 | موضوع: انا من البلد دى مصر مصر  الإثنين فبراير 23, 2009 1:45 am | |
|
[ندعوك للتسجيل في المنتدى أو التعريف بنفسك لمعاينة هذه الصورة]
والله اني لأعجب..
وأندهش..
بل وأنحني احتراما لتلكـ العبقرية المصرية في التعامل مع الكوارث والمصائب..
[size=24]
ان المصري لا يعترف بأي شيء سلبي يحدث له..
وليس هذا التفاؤل في طبيعته لا سمح الله..
ولا لبرود في دمه ـ
أعوذ بالله ـ
وإنما لأنه يمتلكـ نظرة فلسفية ليس لها أي مبرر تجعله ينظر باستخفاف إلى أي مصيبة..
ولا كأنها حصلت من أساسه..
تلكـ النظرة التي واجه بها المصري القديم الهكسوس وهم يدخلون مصر علي عرباتهم الحربية
وكلهم همجية وفرحة حيوانية بالانتصار الساحق..
والمصري القديم ولا هو هنا..
ينظر نحو الإله بتاح..
ويبتسم في ثقة.. ح يعملوا إيه الهكسوس يعني؟..
عاوزين يقعدوا.. مايقعدوا
والسيناريو نفسه تكرر مع الرومان والإغريق والفرنساويين والإنجليز وحتى الألمان..
انظر إلى المصري حينما يزور مريضا..
لا جزع ولا توتر..
وإنما ينظر نحو المريض الذي يكاد يحتضر أمامه ثم يقول له ببساطة: ما انت زي القرد أهوه..
أمال بيقولوا عيان..
ما بلاش السلبطة دي!!
وانظر إليه حينما يسمع خبر موت فلان..
تجده يقول ببساطة: استريح..
حد لاقي الموتة دي!!
ببساطة شديدة يقول المصري يا عم ح تفرج..
ما حدش بينام من غير عشا!!
ولهذا يا أعزائي..
نتكاثر نحن المصريين بتلكـ الصورة الفظيعة..
ولا تحديد نسل نافع معانا ولا وسائل منع الحمل شغالة في البلد دي..
ومهما شيدنا كباري فوق الأرض وأنفاق تحت الأرض..
نملؤها بالبشر بعون الله في ظرف عشر دقائق
وتخيل سعادتكـ ـ
ولماذا تتخيل ما انت مجرب كل ده ـ
أن تستيقظ من نومكـ فتشرب كوبا من الماء
[ندعوك للتسجيل في المنتدى أو التعريف بنفسك لمعاينة هذه الصورة]
الذي إذا مر على فيلتر ستكتشف أنكـ كنت تشرب كوبا من السبانخ..
ثم تفتح الشباكـ لتستنشق الهواء
الذي إذا مر على فيلتر آخر
ستكتشف لماذا يستخدم المصريون عمال على بطال كلمة زفت في حوارهم اليومي
نفطر بقى..
طبق الفول المتين
ورغيف العيش بزلطه ومساميره..
خراسانة جاهزة نموذجية تجعل معدتكـ ع المحارة..
وبعد أن تمر من كل هذا يا بطل.. انزل الشارع..
السيارات تمضي والمواطنون أيضا كلاهما يكسر الإشارة..
المواطن والسيارة..
وكل حسب قدرته على تفادي الآخر..
ولقد اكتسب المصري مقدرة عالمية في المرور بين السيارات برشاقة كراقص باليه محترف..
[ندعوك للتسجيل في المنتدى أو التعريف بنفسك لمعاينة هذه الصورة]
وعبرنا ياسيدي..
رايح على فين يا بطل..
تقول انكـ ذاهب إلى المرج..
وماله نركب القطار..
سيحترق القطار بالتأكيد
أو سيرتطم بقطار آخر..
ولكن ماذا يخيف في ذلكـ,
لقد مررنا من مواقف أصعب من هذا بكثير..
ألا تذكر يوم انفجرت أنابيب الغاز عندكم..
ماذا حدث..؟؟
ربنا ستر والحمد لله..
وكانت الإصابة في كتفكـ ونقلوك إلى المستشفي..
وظللت تنزف من الساعة الحادية عشرة مساء
حتى أتي الطبيب تاني يوم ليقول إنكـ تحتاج نقل دم..
وماله؟..
لقد مررنا من مواقف أصعب من هذا بكثير..
ونقلوا لكـ الدم
وكانت الأكياس ملوثة..
وإيه يعني..
هيّه جات ع الأكياس؟..
يا عم قول يا باسط..
إن الصحافة تبالغ كثيرا
وتهول في الأمور..
وهل لو كانت الأمور بهذه الخطورة التي يصورونها..
كنا اقتربنا الآن من ثمانين مليون نسمة؟!
تلكـَ هي عظمة شعبنا
منذ سنة كانت كل الجرائد والكافيهات والسهرات العائلية مشغولة بحديث روتانا وفتيات الليل..
وسمعة مصر,
برغم أن مصر الآن صارت في سن يبعدها عن الشبهات..
واحدة عندها سبعة آلاف سنة مش كبيرة يعني,
وكلنا يعلم أن مصر لو في وسط ميت راجل لو محافظة على نفسها خلاص..
كل هذا كان يحدث والتعديلات الدستورية الجديدة تُناقش في مجلس الشعب..
والمصريين ولا همّا هنا..
تعديلات إيه ودستور إيه
خليها على الله..
لقد مررنا من مواقف أصعب من هذا بكثير..
هيا دى مصر
وهو ده شعبها الطيب
شعب دايماً شايف بكره أجمل
مهما تمر بيه مصائب
أو كوارث مبتسم
وأنا بجد بحب البلد دى
[ندعوك للتسجيل في المنتدى أو التعريف بنفسك لمعاينة هذه الصورة]
فاتكـ نص عمرك ياللى ماشفت مصر
السماحه روحها والشهامه مصر
والكرامه هى والتاريخ فى مصر
والهرم فى مصر والكرم فى مصر
مصر… مصر
[/size][/size][/center]
| |
|
ملك
عضو ماسى
علمك : 
| | موضوع: رد: انا من البلد دى مصر مصر الإثنين فبراير 23, 2009 3:21 am | |
| انا فخورة جدااااااا انى مصريه مهما شفت منها
الحمدلله | |
|
سندريلا
مشرفة
| | موضوع: رد: انا من البلد دى مصر مصر الإثنين فبراير 23, 2009 3:51 am | |
| | |
|
( admin )
بطاقة الشخصية
شباب كول:
| | موضوع: رد: انا من البلد دى مصر مصر الإثنين فبراير 23, 2009 1:08 pm | |
| على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
شكرا على الموضوع
لا تحرمنا جديدك | |
|
Taki
ناتب المدير العام
علمك : 
بطاقة الشخصية
شباب كول:
| | موضوع: رد: انا من البلد دى مصر مصر الإثنين فبراير 23, 2009 2:21 pm | |
| | |
|
الحب والحنان
عضو ماسى
بطاقة الشخصية
شباب كول:
| | موضوع: رد: انا من البلد دى مصر مصر الأربعاء فبراير 25, 2009 1:08 am | |
| شكرا لمروركم جميعا
وانا بعشق مصر وترابها وبحبها تحت اى ظرف ومهما حصل
هو احنا لينا مين غير مصر بلدنا ام الدنيا | |
|
بنت شقية
مشرفة
| | موضوع: رد: انا من البلد دى مصر مصر الأربعاء فبراير 25, 2009 2:57 am | |
| | |
|
