[size=24]بسم الله الرحمن الرحيم
[size=18]اخوانى واخواتى ازيكو اخباركو ايه
انا اسف على انقطاعى شويه
المهم
يا جماعه احنا دلوات فى عيد الحب ممكن اسال شوية اساله
1-هل فعلا للحب عيد؟
2-وهل للحب ميعاد؟
3-وكمان هو زمان كان فى عيد حب؟
يا جماعه الحب مالوش عيد الحب اسما شئ فى الوجود واهم شئ برضو
الحب زى الميه والهواء .
يا جماعه الانسان اللى بيحب بيشوف الدنيا بشكل تانى بيشوف كل حاجه حلوه
وبيحب يسعد اللى حواليه زى ما هو سعيد .
وبالنسبه ل " هل للحب ميعاد؟"
الحب زى الموت مالوش معاد ولا مكان ولا اى ترتيبات
ممكن اى واحد يعرف امتى هيموت او فين هيموت او ازاى هيموت
اكيد لاء الحب زى كده بالبلدى زى القضا.
ولو ان اللى بيحب بيظهر حبه فى عيد الحب بس ده مايبقاش حب
لان زمان كان اللى بيحب بيحب بجد وده بيبقى باين مش مستنى حاجه زى عيد الحب علشان ياكد حبه
ويا جماعه بصراحه اليومين دول مفيش حاجه اسمها حب .
بجد اليومين دول تلاقى الولد عايش دور روميو على البنت ويروح ويجى
ورسايل موبايل وميسدات وسهرايه وبعدين هى الهانم تعمل فيها اللى مش راضيه ورافضه
والحوارات دى وبعدين يتقابلو ويعيشو احلى ايام مع بعض وبعد فتره الولد يقول احنا ماننفعش لبعض
او البنت تقول انا جايلى عريس والمواضيع اللى قدمت دى .
وعلى فكره المواضيع دى بيروح ضحيتها بنات كتير
بتبقى دى اول تجربه ليهم
وبيحبو بجد بس الدنيا غداره
انا اسف لو كنت قلت كلام مش حلو بس ده اللى فى قلبى
انا انتهيت بجد
ابوالمجد
الخميس فبراير 15, 2007 5:03 pm
